موال الخرص
كتبهااحمد صادق ، في 24 يوليو 2008 الساعة: 21:40 م
انا موال الخرص يا صنطا
انا موال المش سامعين
واما بيعلا صراخي دايما
يكتروا جنبي الطرش المش فاهمين
انا اللون الفاضل جوا العمي
المش شايفين
انا الليل لما الدنيا تبقى نهار
انا نهار السهرانين
انا المية في ايد الصايم
انا الخوف والقلق العايم
جوه سكينة الراجل الساكن
انا الليل والعتمة يا سمرا
لما ف ليلك تدبل زهره
تكرهي بكره
افضل بعده
انا طريق قرروا سده
انا السهد في حده وبغضه
*********
انا الكسرة الناشفة في بق الاهتم
لما الجوع يعض البطن
لما بيصرخ عايز الاكل
تفضل جوه الكسرة فرطن
وتفضل صرخة جوعه في شتم
******************
واما طريقك يفضل سد
ابقى الاول جوه صفوف السبق
حق حقيقي
حدي مشفتش زيه حد
**************
والبقة تاتي
**************
2- فوق الشفايف
فوق الشفايف انا شايف
عطشان بيشرب ولا عارف
ان الصيام مكتوب
ـــــــــــــــــــــــــــــــــــــــــــــــــــــــــ
التصنيفات : غير مصنف | أرسل الإدراج | دوّن الإدراج
يوليو 31st, 2008 at 31 يوليو 2008 1:16 ص
الحبيب صاحب الزجل الجميل
ارجو ان نتعارف معا اولا قبل تعليقي على ابداعاتك الجميلة
تفضل بزيارة مدونتي واقرأ هويتي من كلماتي
اسم المدونة ( الزجل المصري فن رفيع )
اتمنى لك المزيد من التقدم واراك شاعرا مشهورا في القريب العاجل
أغسطس 22nd, 2008 at 22 أغسطس 2008 8:44 م
اشكر كل من زار مدونتي واعدكم بالجديد والمزيد والمفيد والفريد واطلب من كل ذواق دق على الابواب وطاف بالاحداق واشتاق واشتاق أن يكتب بهمسه الذواق تعليقه البراق وكم انا مشتاق لسماعكم يا عشاق
ابو الاشواق